اہل پنجاب کو 31 مارچ کو صحت کارڈ مل جائیں گے، ڈاکٹر یاسمین راشد

وزیر صحت پنجاب ڈاکٹر یاسمین راشد نے اہل پنجاب کو 31 مارچ تک صحت کارڈ ملنے کی نوید سنادی۔

لاہور میں میڈیا سے گفتگو میں صوبائی وزیر صحت نے کہا کہ پنجاب میں 31 مارچ تک شناختی کارڈ رکھنے والے تمام گھرانوں کو صحت کارڈ مل جائیں گے۔

انہوں نے کہا کہ صحت کارڈ کے ذریعے ہر خاندان کو 10 لاکھ مالیت تک کی طبی سہولتیں ایک سال کے دوران مل سکیں گی۔

آئی ایم ایف کا رویہ بہت سخت ہے، شوکت ترین

وزیر خزانہ شوکت ترین نے انکشاف کیا ہے کہ عالمی مالیاتی ادارے (آئی ایم ایف) کا رویہ اس بار بہت سخت ہے۔

ڈاکٹر یاسمین راشد نے مزید کہا کہ یہ کارڈ لاہور کے 133 منتخب سرکاری اور نجی اسپتالوں میں کارآمد ہوگا، شوکت خانم اور انمول اسپتال ابھی ان میں شامل نہیں ہیں۔

اُن کا کہنا تھا کہ اس کارڈ کا فائدہ صرف اسپتال میں داخل مریضوں کو ہوگا، او پی ڈی، ایمرجنسی، دانتوں کے علاج اور کاسمیٹکس کے علاج میں اس کا فائدہ نہیں ہوگا۔

شریف برادران کے دیے حلف ناموں میں کیا کہا گیا ہے؟

سابق وزیراعظم نواز شریف کی بیرون ملک روانگی سے متعلق شریف برادران کے دیے گئے حلف ناموں کی تفصیل سامنے آگئی۔

وزیر صحت پنجاب نے یہ بھی کہا کہ اسپتالوں میں اسٹیٹ لائف کا نمائندہ کارڈ پر دی گئی سہولتوں اور علاج پر اُٹھنے والے اخراجات کو مانیٹر کرے گا۔

انہوں نے کہا کہ لاہور میں اومی کرون کے 57 کیسز سامنے آچکے، پانچویں ویرینٹ میں شدت تو نہیں، تاہم یہ تیزی سے منتقل ہوتا ہے، محکمہ صحت پنجاب نے پہلے ہی ایمرجنسی نافذ کردی۔

ڈاکٹر یاسمین راشد کا کہنا تھا کہ سابق وزیراعظم نواز شریف اور ان کے بچوں سمیت تمام اپوزیشن ارکان کو بھی صحت کارڈ دیے جائیں گے۔

انہوں نےکہا کہ اس کارڈ سے صرف اسپتال میں داخل مریضوں کو ہی فائدہ مل سکے گا۔