سندھ میں حالات بےقابو ہوچکے ہیں، مصطفیٰ کمال

پاک سر زمین پارٹی کے چیئرمین مصطفیٰ کمال نے کہا ہے کہ سندھ میں حالات اب قابو سے باہر ہیں، سندھ کی طرف دھیان نہ دیا تو ایسا نہ ہو بہت دیر ہوجائے۔

مصطفیٰ کمال کا کہنا ہے کہ سندھ بھر میں تعلیم کا بیڑا غرق ہوچکا ہے، پیپلزپارٹی اور بلاول سندھ کو اپنی ریاست بنا کر بیٹھے ہیں۔

مصطفیٰ کمال کا کہنا تھا کہ اب پیپلزپارٹی سندھ میں اپنا الیکشن کمیشن بنائے گی۔

مصطفیٰ کمال کی مولانا فضل الرحمٰن سے ملاقات

اسلام آباد چیئرمین پاک سرزمین پارٹی مصطفیٰ کمال...

واضح رہے کہ رواں ماہ کے ابتدا میں مصطفیٰ کمال نے بلدیاتی ترمیمی قانون کیخلاف 30 جنوری کو وزیراعلیٰ ہاؤس کی جانب مارچ کا اعلان بھی کیا تھا۔

اس اعلان کے موقع پر مصطفیٰ کمال کا کہنا تھا کہ اب کوئی تقریر نہیں ہوگی، اب یا ہم رہیں گے یا سندھ کے کرپٹ ظالم اور متعصب حکمران رہیں گے۔

مصطفیٰ کمال نے کہا تھا کہ دور سے وزیراعلیٰ کو آواز نہیں جاتی اس لیے سیدھا وزیراعلیٰ ہاؤس کے گیٹ پر جائیں گے اور سندھ کے عوام کو حقوق دلا کر ہی واپس لوٹیں گے۔