• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان نے شعبہ زراعت تباہ کرکے معاشی دہشت گردی کی، بلاول بھٹو

تازہ ترین
قومی خبریں
11 جنوری ، 2022


پیپلز پارٹی کے چیئرمین بلاول بھٹو زرداری نے کہا ہے کہ عمران خان نے زرعی ملک کی زراعت تباہ کرکے معاشی دہشت گردی کی ہے۔

اسلام آباد سے جاری بیان میں پی پی چیئرمین نے وزیراعظم عمران خان پر تنقید ی وار کردیے۔

انہوں نے کہا کہ عمران خان ہوش کے ناخن لیں، ملک بھر میں یوریا کا بحران سنگین صورت حال اختیار کرچکا ہے۔

اپوزیشن میں سچ سننے کی ہمت نہیں ہے، اسد عمر

وفاقی وزیر منصوبہ بندی اسد عمر نے کہا ہے کہ اپوزیشن میں سچ سننے کی ہمت نہیں ہے، ن لیگ 4 او رپیپلز پارٹی 7 بار آئی ایم ایف کے پاس گئی۔

بلاول بھٹو زرداری نے مزید کہا کہ 21 جنوری کے احتجاج میں ملک بھر کے کسان نکلیں گے، حکومت سے اپنے مطالبات منوائیں گے۔

اُن کا کہنا تھا کہ یوریا کی بوری بلیک مارکیٹ میں 3500 روپے تک فروخت ہو رہی ہے، ڈیزل، بجلی، کیڑے مار ادویات کی قیمتیں بڑھانے سے فی ایکڑ لاگت بڑھ گئی ہے۔

سانحہ مری: شازیہ مری کا فواد چوہدری سے استعفیٰ کا مطالبہ

پیپلز پارٹی کی رہنما شازیہ مری نے کہا ہے کہ مری سانحے پر سیاسی پوائنٹ اسکورنگ نہیں کریں گے ،حکومتی بے حسی حد سے تجاوز کرچکی ہے۔

پی پی چیئرمین نے یہ بھی کہا کہ یوریا، نائٹروفاس، ڈی اے پی کھاد دستیاب نہ ہوئی توملک میں غذائی بحران آجائے گا۔

انہوں نے کہا کہ سندھ حکومت نے پنجاب کے 1950روپے کے مقابلے میں گندم کی امدادی قیمت 2200 رکھی، ہم مطالبہ کرتے ہیں کہ پنجاب میں گندم کی امدادی قیمت میں اضافہ کیا جائے۔

قومی خبریں سے مزید