بھارتی گلوکور بھی نصیبو لال کے فین ہوگئے

19 جنوری ، 2022

پاکستانی گلوکارہ نصیبو لال کی حال ہی میں ریلیز ہونے والے گانے’ تو جھوم‘ میں سحر انگیز آوازکا بھارتی گلوکار ہنس راج رگھوونشی پر جادوچل گیا ہے۔

سوشل میڈیا پر گلوکار ہنس راج رگھوونشی کی ایک ویڈیو وائرل ہورہی ہے، جس میں اُنہیں گلوکارہ نصیبو لال کی آواز کی تعریف کرتے ہوئے سنا جاسکتا ہے۔

اُنہوں نے نصیبو لال کے بارے میں کہا کہ’وہ گلوکارہ کے فین ہوگئے ہیں‘۔

اُن کا مزید کہنا تھا کہ’میڈم کے بعد جو ایک نمایاں آواز آئی جوکہ پوری دنیا پر چھاگئی ہے۔‘

اُنہوں نے کہا کہ ’نصیبوں والی نصیبو لال واحد فنکارہ ہیں جوکہ ورسٹائل ہیں، بہت سُریلی ہیں اور ہم سب اُن کے مداح ہیں‘۔

گلوکار ہنس راج رگھوونشی نے اپنی بات کا اختتام نصیبو لال کے لیے اپنی نیک تمناؤں کا اظہار کرتے ہوئے کیا۔

خیال رہے کہ نصیبو لال نے لیجنڈری صوفی گائیک عابدہ پروین کے ساتھ کوک اسٹوڈیو کے 14ویں سیزن کے آغاز پر ریلیز ہونے والے گانے’تو جھوم ‘ میں اپنی سُریلی آواز سے رنگ جمایا ہے۔

انٹرٹینمنٹ سے مزید