کراچی: کچی آبادی کے بچوں کا گرین لائن بس پر پتھراؤ، پولیس چیف کے احکامات

کراچی پولیس کے ترجمان نے کہا ہے کہ گرین لائن کی بس پر پتھراؤ گرین لائن سروس کے اطراف کچی آبادی میں رہائش پذیر دو تین چھوٹے بچوں نے شرارتاً کیا۔

کراچی پولیس چیف نے تلاش کرنے کے احکامات جاری کئے ہیں۔

پولیس ترجمان کے مطابق رپورٹ کے بعد ایس ایس پی سینٹرل نے موقع پر پہنچ کر فوری طور پر متعلقہ ایس ایچ او کو پتھراؤ کرنے والے بچوں کی تلاش کی ہدایت کی۔

گرین لائن کے کچھ اسٹیشنز پر پتھراؤ کی اطلاعات تشویشناک ہیں، امین الحق

امین الحق نے کہا کہ اہلیان کراچی شرپسند عناصر کے عزائم ناکام بنائیں، گرین لائن کی حفاظت کی ذمہ داری سندھ حکومت پر ہے۔

ایڈیشنل آئی جی کراچی کی جانب سے بی آر ٹی کے روٹ پر لگنے والے تمام تھانوں کے ایس ایچ اوز کو روٹ کے اطراف پولیس پٹرولنگ بڑھانے اور اطراف کے علاقوں میں اس طرح کی سرگرمیوں سے باز رہنے کے نوٹس بھی جاری کئے جا رہے ہیں۔

انہوں نے مزید کہا کہ کراچی پولیس عوام کے تحفظ کی امین ہے، اس کے لئے ہر ممکن اقدامات کئے جارہے ہیں۔

گرین لائن انتظامیہ کے مطابق یہ واقعہ 19جنوری کا ہے۔