برازیل: اومی کرون کے باعث کورونا کیسز میں اضافہ

برازیل میں عالمی وباء کورونا وائرس کے اومی کرون ویرینٹ کے باعث کیسز میں اضافہ ہو گیا ہے۔

غیر ملکی خبر رساں ادارے کے مطابق برازیل میں 24 گھنٹوں کے دوران کورونا کے 1 لاکھ 57 ہزار سے زائد کیسز رپورٹ ہوئے ہیں۔

برازیل کے وزارت صحت کا کہنا ہے کہ برازیل میں گزشتہ روز کورونا سے مزید 238 اموات ہوئیں۔

بھارت: مسلسل چوتھے روز 3 لاکھ سے زائد کورونا کیسز رپورٹ

بھارت میں کورونا کیسز میں تیزی اضافہ ہوتا جارہا ہے، جہاں پر مسلسل چوتھے روز 3 لاکھ سے زائد کیسز رپورٹ ہوئے ہیں

دوسری جانب بھارتی وزارت صحت نے کہا کہ بھارت میں 24 گھنٹوں کے دوران کورونا کے 3 لاکھ 33 ہزار 533 کیس رپورٹ ہوئے ہیں۔

وزارت صحت نے کہا کہ بھارت میں گزشتہ روز کورونا سے مزید 525 اموات رپورٹ ہوئیں۔