پی پی سینیٹر رضا ربانی کا وزیر داخلہ شیخ رشید کے بیان پر تبصرہ

پیپلز پارٹی کے سینیٹر رضا ربانی نے وزیر داخلہ شیخ رشید کے پاکستان کے عدم استحکام سے جڑے بیان پر تبصرہ کیا ہے۔

ایک بیان میں رضا ربانی نے کہا کہ وزیر داخلہ کہتے ہیں بہت سی فورسز پاکستان کو عدم استحکام کا شکار کرنا چاہتی ہیں۔

انہوں نے مزید کہا کہ شیخ رشید کہتے ہیں کہ سی پیک کو غیر مستحکم کرنے کی کوشش کی جاری ہے، جب اس بات کا علم ہے تو اسٹریٹجک پالیسی میں امریکا کی طرف شفٹ کیوں کیا جارہا ہے؟

وزیراعظم تو سڑک، دفتر دونوں ہی میں خطرناک ہیں، سراج الحق

امیر جماعت اسلامی پاکستان سراج الحق نے کہا ہے کہ وزیراعظم سڑک پر آئیں یا دفتر میں بیٹھیں دونوں ہی صورتوں میں خطرناک ہیں۔

پی پی سینیٹر نے یہ بھی کہا کہ امریکا کی چین کو محدود کرنے کی پالیسی ہے، وہ بھارت کو خطے کا پولیس مین بنارہا ہے۔

اُن کا کہنا تھا کہ پورے ایوان پر مشتمل کمیٹی کا اجلاس بلایا جائے، عوام کے سامنے بات کی جائے ان کیمرہ اجلاس نہ ہو۔