وزیراعلیٰ سندھ کی ایم کیو ایم کارکن اسلم کے لواحقین سے تعزیت

28 جنوری ، 2022

وزیراعلیٰ سندھ مراد علی شاہ نے کراچی میں احتجاج کے دوران متحدہ قومی موومنٹ کے جاں بحق ہونے والے کارکن اسلم کے گھر جاکر اہل خانہ سے تعزیت کی۔

اس موقع پر وزیراعلیٰ سندھ مراد علی شاہ نے کہا کہ اسلم کے اہل خانہ جس طرح کی بھی انکوائری چاہتے ہیں وہ کی جائے گی۔

علاوہ ازیں وزیراعلیٰ سندھ نے ایم کیو ایم کے رکن سندھ اسمبلی صداقت حسین کے گھر جا کر انکی عیادت کی اور واقعے پر افسوس کا اظہار کیا، ساتھ ہی انصاف کی فراہمی کی یقین دہانی بھی کرائی۔

وزیراعلیٰ سندھ مراد علی شاہ کا کہنا تھا کہ پی ایس ایل کی ٹیم کو ہوٹل سے نکلنا تھا، اس وقت دھرنے کا ہونا بڑا مسئلہ تھا، واقعے کی تحقیقات کا حکم دیا ہے جو ملوث ہوا کارروائی ہوگی۔

قومی خبریں سے مزید