• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خورشید شاہ نے ڈیم فنڈز کے چندے کا حساب مانگ لیا

تازہ ترین
قومی خبریں
29 جنوری ، 2022
خورشید شاہ نے ڈیم فنڈز کے چندے کا حساب مانگ لیا

پاکستان پیپلز پارٹی کے رہنما خورشید شاہ نے وفاقی حکومت سے ڈیم فنڈز کے لیے جمع کیے گئے چندے کا حساب مانگ لیا۔

عمر کوٹ میں میڈیا سے گفتگو کرتے ہوئے خورشید شاہ نے کہا کہ  ہمارا مطالبہ ہے ڈیم کے لئے جمع کیے گئے چندے کا پارلیمنٹ میں حساب دیا جائے، ڈیم کےلیےجمع پیسوں کا کوئی حساب نہیں کہ کہاں گئے؟

خورشید شاہ نے کہا کہ  کھاد کے بحران سے مافیا کو چانس ملا جسے وفاقی حکومت کنٹرول کرتی ہے، بلاول بھٹو کا نظریہ واضح ہے کہ پاکستان کو معاشی ہتھکڑیاں لگ رہی ہیں۔

پی پی رہنما نے کہا کہ سینیٹ میں اسٹیٹ بنک بل پر ہمارا غیر سنجیدہ رویہ فکر کی بات ہے۔

انہوں نے کہا کہ عمران خان نے 20 کروڑ عوام کو دھوکہ اور لالچ دے کر ووٹ لیا، عمران خان اور ان کی پارٹی کے خلاف عوام سے دھوکہ دہی کی تحقیقات ہونی چاہیے۔

قومی خبریں سے مزید