بلوچستان: مقامی حلقہ بندیوں کی ابتدائی فہرستوں کا کام مکمل

بلوچستان کے الیکشن کمشنر فیاض حسین مراد نے اعلان کیا ہے کہ مقامی حکومت کی حلقہ بندیوں کی ابتدائی فہرستوں کا کام مکمل ہوگیا۔

کوئٹہ سے جاری بیان میں صوبائی الیکشن کمشنر نے کہا کہ ابتدائی فہرستیں کل سے ضلعی دفاتر میں جاری کی جائیں گی۔

فیاض حسین مراد نے کہا کہ یونین کونسلوں، وارڈز کی حلقہ بندیوں پر اعتراضات 15دن تک جمع کرائے جاسکتے ہیں۔

صوبائی الیکشن کمشنر نے مزید کہا کہ اعتراضات 3 مارچ تک نمٹائے جائیں گے اور یونین کونسلوں، وارڈز کی فہرستوں کی حتمی اشاعت 10مارچ کو جاری ہوگی۔