سوات، پسند کی شادی کرنے والے جوڑے کے قتل میں رشتہ دار ملوث

سوات میں پسند کی شادی کرنے والےجوڑے کے قتل کے الزام میں 5 افراد گرفتار کر لیے گئے ہیں، قتل میں رشتہ داروں کے ملوث ہونے کے شواہد ملے ہیں۔

پولیس ذرائع کا بتانا ہے کہ پسند کی شادی سے مبینہ طور پر دونوں کے گھر والے خوش نہیں تھے، ابتدائی طور پر مقدمہ نامعلوم افراد کے خلاف درج کیا گیا تھا۔

سوات، پسند کی شادی کر نیوالے کوہستانی جوڑے کو ذبح کر دیا گیا

سوات سوات کے نوحی علا قہ چارباغ میں نامعلوم ملزمان...

پولیس کے مطابق نواحی علاقے کچیان میں گزشتہ ہفتے ہی کوہستان جنکوٹ کے مجیب رحمان اور مسماۃ لاہور بی بی نے کرایہ پر گھر لیکر سکونت اختیار کی تھی، نامعلوم ملزمان نے رات کے وقت چھری سے دونوں کے گلے کاٹ کر انہیں قتل کردیا ۔

مقتولین کے پاس موجود نکاح نامہ کے مطابق دونوں کا نکاح 21 ستمبر2021کو روبرو گواہان ہوا جس کی 30 جنوری2022 کو رجسٹریشن کی۔

پولیس کے مطابق 5 فروری کو پسند کی شادی کرنے والےجوڑے کو قتل کر دیا گیا تھا۔