• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہباز شریف 14 سال بعد چوہدری برادران کے گھر پہنچ گئے

تازہ ترین
قومی خبریں
13 فروری ، 2022


اپوزیشن لیڈر شہباز شریف 14 سال بعد چوہدری برادران سے ملاقات کے لیے ان کی رہائشگاہ پہنچ گئے۔

میڈیا رپورٹ کے مطابق شہباز شریف کے ہمراہ خواجہ سعد رفیق، رانا تنویر، عطا تارڑ بھی چوہدری برادران کے گھر پہنچے ہیں۔

عمران خان کو اقتدار سے نکالنے کے لیے اپوزیشن نے ہر حربہ استعمال کرنے کا فیصلہ کیا ہے۔

شہباز شریف، چوہدری برادران سے ملاقات کے بعد رہائشگاہ سے روانہ

اپوزیشن لیڈر شہباز شریف حکومتی اتحادی چوہدری برادرن سے ان کی رہائشگاہ پر ملاقات کے بعد واپس روانہ ہوگئے ہیں۔

ن لیگی صدر شہباز شریف 14 سال بعد حکومتی اتحادی ق لیگ کی قیادت سے ملاقات کر رہے ہیں۔

ن لیگی وفد ملاقات کے دوران ق لیگی قیادت سے اتحادیوں کے سہارے پر کھڑی پی ٹی آئی حکومت کو چلتا کرنے کے لیے ساتھ مانگیں گے۔

شہباز شریف سے ملاقات میں چوہدری برادران کا واضح جواب دینے سے گریز

اپوزیشن لیڈر اور ن لیگ کے صدر شہباز شریف کو چوہدری برادران نے واضح جواب دینے سے گریز کیا ہے۔

گزشتہ روز مولانا فضل الرحمان نے چوہدری برادران سے ملاقات کی تھی جبکہ اس سے قبل آصف علی زرداری بھی ق لیگی قیادت سے حمایت کرنے اور عمران خان سے ناطہ توڑنے کا کہہ چکے ہیں۔

پاکستانی سیاست میں اب کیا ہونے جارہا ہے؟ سیاسی پنڈتوں کی نظریں شہباز شریف اور چوہدری برادران کی اس اہم سیاسی ملاقات پر لگی ہیں۔

قومی خبریں سے مزید