پروین رند کا ملزمان کی گرفتاری اور خود کی سیکیورٹی کا مطالبہ

پیپلز میڈیکل یونیورسٹی نوابشاہ میں مبینہ تشدد کا شکار ہونے والی نرسنگ ہاؤس افسر پروین رند نے ذمہ داروں کی فوری گرفتاری کا مطالبہ کردیا۔

پروین رند نے جیونیوز سے گفتگو میں کہا کہ انہیں دھمکیاں مل رہی ہیں، وہ محفوظ نہیں، سیکیورٹی دی جائے۔

انہوں نے مزید کہا کہ چیف جسٹس سندھ ہائیکورٹ نے ازخود نوٹس لیا ہے، وہ منگل کو عدالت میں پیش ہوں گی۔

پیپلز میڈیکل یونیورسٹی: پروین رند نے جنسی ہراسانی اور تشدد کا مقدمہ درج کروادیا

پیپلز میڈیکل یونیورسٹی نواب شاہ کی ہاؤس آفیسر نرسنگ کو جنسی ہراساں اور تشدد کرنے کا مقدمہ درج کرلیا گیا۔

پروین رند نے یہ بھی کہا کہ ملزمان آزاد گھوم رہے اور مجھے دھمکیاں دے رہے ہیں، ملزمان کی حمایت کی جارہی ہے تاکہ وہ بھاگ سکیں یا چھپ جائیں۔

اُن کا کہنا تھا کہ ہراسمنٹ کی شکار بچیوں کی حمایت کی جائے۔