وزیراعظم عمران خان سے ایرانی وزیر داخلہ کی ملاقات

وزیراعظم عمران خان سے ایرانی وزیر داخلہ ڈاکٹر احمد واحدی نے ملاقات کی، اس موقع پر وزیر اعظم نے پاک ایران تعلقات کی مثبت رفتار پر اطمینان کا اظہار کیا۔

ملاقات کے دوران وزیراعظم عمران خان نے پاک ایران تجارت اور علاقائی رابطے بڑھانے کے لیے دو طرفہ اشتراک کی اہمیت پر زور دیا۔

ایرانی وزیر داخلہ پاکستان پہنچ گئے

ایران کے وزیرداخلہ ڈاکٹر احمد وحیدی ایک روزہ دورے پر پاکستان پہنچ گئے، وزیرداخلہ شیخ رشید اورسیکرٹری داخلہ نے ہوائی اڈے پر ان کا استقبال کیا۔

وزیراعظم کا کہنا تھا کہ پاکستان اور ایران کے درمیان سرحد امن اور دوستی کی سرحد ہے، سیکورٹی ایشوز سے نمٹنے کے لیے مشترکہ تعاون انتہائی اہم ہے۔

علاوہ ازیں آرمی چیف جنرل قمر جاوید باجوہ سے بھی ایرانی وزیرداخلہ نے وفد کے ہمراہ ملاقات کی۔

آئی ایس پی آر کے مطابق ملاقات میں جیو اسٹریٹجک، بالخصوص علاقائی سیکورٹی صورتِ حال پر تبادلہ خیال کیا گیا۔

اس موقع پر آرمی چیف نے کہا کہ پاک ایران سرحد پر شرپسندوں کو آزادانہ کارروائی سے روکنے کے لیے اجتماعی کوششوں کی ضرورت ہے۔

آئی ایس پی آر کے مطابق ایرانی وزیرداخلہ نے پاکستان کی امن و استحکام کی کوششوں کو سراہا۔