دعا منگی کیس میں قیدی کا فرار، ملزم ASI مدعی بن گیا

دعا منگی اغوا کیس میں قیدی زوہیب قریشی کے فرار میں اہم موڑ آگیا، اے ایس آئی خالد خود کو بچانے کیلئے مدعی بن گیا، خالد کی ہدایت پر ہی گرفتار ہیڈ کانسٹیبلز مفرور زوہیب کو باہر لاتے تھے۔

جوڈیشل مجسٹریٹ شرقی کی عدالت میں پولیس نے کیس کے مدعی اے ایس آئی خالد کو گرفتار کرکے عدالت میں پیش کر دیا۔

تفتیشی افسر نے عدالت کو بتایا کہ ملزم خالد کی ہدایت پر ہیڈ کانسٹیبل نوید اور حبیب ظفر مفرور زوہیب کو عدالت سے باہر لے کر جاتے تھے، ملزم اے ایس آئی خود کو بچانے کیلئے مدعی بنا ہے، جبکہ اس نے پولیس کے سامنے جرم قبول بھی کیا ہے۔

دعا منگی اغوا کیس کے ملزمان کا ٹرائل جیل کے اندر کرنے کیلئے سفارش

کراچی ہائی پروفائل دعا منگی اغوا کیس کے مرکزی ملزم...

عدالت کو تفتیشی افسر نے مزید بتایا کہ انچارج ہونے کے باوجود اے ایس آئی خالد حسین نے کبھی کارروائی نہیں کی جبکہ 5 پولیس اہلکار پہلے سے گرفتار ہیں۔

تفتیشی افسر کے عدالت میں دیئے گئے بیان کے بعد عدالت نے ملزم خالد کو دو روزہ جسمانی ریمانڈ پر پولیس کے حوالے کردیا۔

واضح رہے کہ ملزم زوہیب قریشی کے فرار کا مقدمہ سرکاری مدعیت میں درج کیا گیا تھا، پولیس اہلکار ملزم زوہیب قریشی کو عدالت سے پرائیوٹ گاڑی میں جیل لے کر جا رہے تھے، کیس میں ایک ٹیکسی ڈرائیور بھی گرفتار ہے۔

مقدمے میں بتایا گیا ہے کہ ہیڈ کانسٹیبل محمد نوید اور حبیب ظفر ملزم زوہیب قریشی کو شاپنگ کیلئے طارق روڈ لے گئے،جہاں سے ملزم موقع پاکر شاپنگ مال سے فرار ہوگیا۔