فرمان الہی
نماز کے اوقات
بھارتی اداکارہ عالیہ بھٹ نے اپنی نئی فلم گنگوبائی کاٹھیاواڑی میں ڈانس نمبر کرنے پر ماضی کی نامور اسٹارز کے ساتھ موازنہ نہ کرنے کی وجہ بتادی۔
اپنے ایک حالیہ انٹرویو کے دوران عالیہ بھٹ کا کہنا تھا کہ مادھوری ڈکشٹ، ایشوریہ رائے اور دیپیکا پڈوکون جیسی اسٹارز حوصلہ افزائی کا ایک بڑا ذریعہ ہیں اور کبھی ان اسٹارز کے ساتھ خود کا موازنہ نہیں کیا۔
انہوں نے اپنی نئی فلم گنگوبائی کاٹھیاواڑی سے متعلق کہا کہ اس میں گنگوبائی کے کردار کے لیے رقص صرف کیمرے کے لیے نہیں تھا۔
اپنی فلم سے متعلق انٹرویو میں عالیہ کا کہنا تھا کہ یہ فلم بالکل مختلف فلم ہے، اس لیے میں اپنے آپ کا موازنہ ان اسٹارز سے نہیں کرسکتی جنہوں نے پہلے ہی بہت اعلیٰ کام کیا ہوا ہے۔
فلم ’گنگوبائی کاٹھیواڑی‘ ہدایتکار سنجے لیلہ بھنسالی کی تخلیق ہے جو پہلے جولائی 2021 میں ریلیز کی جانی تھی لیکن عالمی وباء کورونا وائرس کی وجہ سے تاخیر کا شکار ہوگئی تھی۔
یہ فلم اب 25 فروری کو ریلیز کی جائے گی جس میں اجے دیوگن بھی اداکاری کرتے نظر آئیں گے۔
