محسن بیگ کیخلاف پیکا دفعات کے تحت مقدمہ چیلنج

گزشتہ روز وفاقی دارالحکومت اسلام آباد میں ایف آئی اے کی جانب سے گرفتار کیے گئے محسن بیگ کے خلاف پیکا دفعات کے تحت درج مقدمہ بھی اسلام آباد ہائی کورٹ میں چیلنج کر دیا گیا۔

جرنلسٹس ڈیفنس کمیٹی نے محسن بیگ کی اہلیہ کی جانب سے درخواست دائر کی۔

درخواست میں محسن بیگ کی اہلیہ نے ایف آئی آر کے مندرجات فوری معطل کرنے اور ایف آئی اے کا مقدمہ خارج کرنےکی استدعاکی ہے۔

صحافی محسن بیگ گرفتار، فائرنگ سے FIA اہلکار زخمی

وفاقی دارالحکومت اسلام آباد میں صحافی محسن بیگ کو وفاقی تحقیقاتی ادارے (ایف آئی اے) نے گرفتار کر لیا، اس موقع پر ہونے والی فائرنگ سے ایف آئی اے کا ایک اہلکار زخمی ہو گیا۔

درخواست میں مؤقف اختیار کیا گیا ہے کہ ایف آئی اے نے بے بنیاد مقدمہ درج کیا، عدالت ایف آئی اے کو مقدمہ خارج کرنے کا حکم دے۔

درخواست گزار نے عدالتِ عالیہ سے آج ہی کیس کی سماعت کرنے کی استدعا کی ہے۔