فرمان الہی
نماز کے اوقات
پاکستانی آل راؤنڈر شعیب ملک کراچی ٹیسٹ میں آسٹریلیا کے خلاف قومی ٹیم کی شاندار کارکردگی دیکھنے کے بعد آخری ٹیسٹ میچ میں کامیابی کے لیے پرامید ہیں۔
شعیب ملک نے مائیکروبلاگنگ ویب سائٹ ٹوئٹر پر کراچی ٹیسٹ میں قومی ٹیم کے کھلاڑیوں کی شاندار کارکردگی کی تعریف کی ہے۔
اُنہوں نے اپنے ٹوئٹ میں لکھا کہ’اس ٹیسٹ میچ میں فالوآن پوزیشن سے واپسی بابر اعظم، محمد رضوان، عبداللہ شفیق کے شاندار گیم پلے کا نتیجہ تھی‘۔
اُنہوں نے مزید لکھا کہ’ہم یقینی طور پر اگلے ٹیسٹ میں اس سے بھی زیادہ اچھا کھیلیں گے‘۔
شعیب ملک نے اپنے ٹوئٹ میں قومی کرکٹ ٹیم کی آسٹریلیا کے خلاف آخری ٹیسٹ میچ میں فتح کی امید کا اظہار بھی کیا۔
خیال رہے کہ پاکستان اور آسٹریلیا کے درمیان کراچی ٹیسٹ ڈرا ہوگیا اور اس کے لیے قومی بیٹرز نے 6 سیشنز میں بیٹنگ کی۔
بابر اعظم ان تمام چھ سیشنز کو کھیلنے والےواحد بلے باز تھے، جبکہ ان کا ساتھ عبداللہ شفیق اور محمد رضوان نے نبھایا جنہوں نے بالترتیب 96 اور 104 رنز بنائے تھے۔
