آریان خان نے والد شاہ رخ خان کے انداز کو کاپی کرکے مداحوں کے دل جیت لیے

20 مارچ ، 2022

بالی ووڈ کنگ شاہ رخ خان کی اہلیہ گوری خان اور بیٹے آریان خان نے جمعرات کو دھرما پروڈکشن کے سی ای او اپوروا مہتا کی سالگرہ کی تقریب میں شرکت کی۔

اس تقریب میں شرکت کے لیے گوری خان نے سیاہ رنگ کے گاؤن کا انتخاب کیا۔ جسے پہنے وہ بہت خوبصورت نظر آرہی تھیں۔

دوسری جانب پاپرازی آریان خان کی تصویریں لینے کے لیے کافی پرجوش تھے کیونکہ آریان نے اس تقریب میں منشیات کیس میں گرفتاری کے بعد پہلی بار کیمرے کے لیے پوز دیا اور وہ کالے رنگ کے کوٹ سوٹ کے ساتھ سفید شرٹ پہنے بہت دلکش نظر آرہے تھے۔

تقریب میں قابلِ غور آریان خان کا انداز تھا جو اُنہوں نے والد سے متاثر ہوکر اپنایا تھا اور مداحوں نے تصاویر دیکھتے ہی اس بات کو نوٹس کرلیا کہ آریان خان نے شاہ رخ خان کو کاپی کیا ہے۔

اس کے بعد سوشل میڈیا پر آریان خان کی اس تقریب سے لی گئی تصاویر انٹرنیٹ پر تیزی سے وائرل ہورہی ہیں جو کہ مداحوں کی جانب سے بہت پسند بھی کی جا رہی ہیں اور ان پر دلچسپ تبصرے بھی کیے جارہے ہیں۔

ستاروں سے سجی اس تقریب میں اننیا پانڈے، عالیہ بھٹ، شانایا کپور، جھانوی کپور، کترینہ کیف، وکی کوشل سمیت بالی ووڈ کے کئی ستاروں نے شرکت کی۔

یاد رہے کہ آریان خان مبینہ طور پر بطور مصنف بالی ووڈ میں اپنا ڈیبیو دیں گے۔

اس کے علاوہ آریان خان کے بارے میں بھارتی میڈیا پر یہ خبریں بھی زیرِ گردش ہیں کہ ان کی ایک او ٹی ٹی (OTT) پلیٹ فارم کے ساتھ بھی کام کے حوالے سے بات چیت چل رہی ہے اور وہ ایک فیچر فلم پر بھی کام کر رہے ہیں۔

انٹرٹینمنٹ سے مزید