اگلے الیکشن میں تحریک انصاف کو امیدوار نہیں ملیں گے، احسن اقبال

پاکستان مسلم لیگ (ن) کے رہنما احسن اقبال کا کہنا ہے کہ عمران نیازی آپ ہار چکے ہیں، اگلے الیکشن کی تیاری کریں، اگلے الیکشن میں تحریک انصاف کو امیدوار نہیں ملیں گے۔

 نارووال میں میڈیا سے گفتگو کرتے ہوئے احسن اقبال نے کہا کہ عمران نیازی کی سیاست ختم ہوچکی ہے، آپ اکثریت کھو چکے ہیں، عزت سے مستعفی ہوں، گھر جائیں۔

ق لیگ سے درخواست ہے درست دھارے کی طرف آئیں، خرم دستگیر

خرم دستگیر نے کہا کہ امر بالمعروف کے نعرے دہشتگردی کیخلاف جنگ کرنے والوں کو اچھے لگتے ہیں، امر بالمعروف کے نعرے امن قائم کرنے والوں کو اچھے لگتے ہیں۔

احسن اقبال نے کہا کہ قوم جاننا چاہتی ہے کشمیر پر بھارت کا غاصبانہ قبضہ کیوں ہوا؟ آج آپ بتائیں، مہنگائی کیوں کی، سی پیک برباد کیوں کیا؟ آپ نے فوج، عدلیہ اور الیکشن کمیشن کو دھمکانے کی کوشش کی ہے۔

رہنما مسلم لیگ ن نے کہا کہ چیف الیکشن کمشنر کی تقرری آپ کی سفارش پر ہوئی تھی، فارن فنڈنگ کا حساب دینا پڑا تو الیکشن کمیشن برا لگنے لگا۔

احسن اقبال نے کہا کہ عمران نیازی آپ دوسروں کو بھگوڑا کہتے ہیں، کیا آپ کیلیفورنیا عدالت، فارن فنڈنگ، توشہ خانہ کے بھگوڑے نہیں؟

انہوں نے کہا کہ آج ایک اتحادی جماعت نے علیحدگی کا اعلان کردیا ہے، امید کرتا ہوں جلد دوسرے حکومتی اتحادی چھوڑنے کا اعلان کریں گے۔