سعید غنی نے بزدار کے تحریری استعفیٰ میں غلطی نکال دی

سندھ کے وزیر اطلاعات سعید غنی نے سابق وزیراعلیٰ پنجاب عثمان بزدار کے تحریری استعفیٰ میں غلطی کی نشاندہی کردی۔

انہوں نے ٹوئٹر ہر عثمان بزدار کے تحریری استعفیٰ کی کاپی اور قانونی طریقہ کار کی تصاویر جاری کیں اور ساتھ لکھا کہاستعفی لکھنا تھا گورنر کے نام، بزدار نے لکھ دیا نیازی کے نام، قبول کرلیا گورنر نے۔

انہوں نے کہا کہ ویسے نا عجیب مخولیئے ہیں سارے کے سارے، میں ہمیشہ یہ یقین سے کہتا رہا ہوں کہ سارے نیازی ٹبر کو آئین اور قانون چھُوکر بھی نہیں گزرا۔

واضح رہے کہ نئے وزیرِ اعلیٰ پنجاب کے انتخاب کے معاملے پر پنجاب اسمبلی کا اجلاس 3 گھنٹے 53 منٹ کی تاخیر سے شروع ہوا تاہم کچھ دیر بعد ہی کل (3 اپریل) دن ساڑھے 11 بجے تک ملتوی کر دیا گیا۔