فرمان الہی
نماز کے اوقات
بالی ووڈ کی معروف جوڑی اداکار رنبیر کپور اور اداکارہ عالیہ بھٹ کی شادی کی خبروں کا آج کل بھارتی میڈیا پر بول بالا ہے۔
غیر ملکی میڈیا رپورٹس میں بتایا جارہا ہے کہ عالیہ اور رنبیر کی شادی کی تقریبات 13 سے 17 اپریل کے درمیان منعقد کی جائیں گی۔
اب بھارتی فلم انڈسٹری کی اس مشہور جوڑی کی شادی میں شریک ہونے والے مہمانوں کی فہرست بھی سامنے آگئی ہے۔
عالیہ اور رنبیر کی شادی میں انڈسٹری کے بڑے نام کرن جوہر، سنجے لیلا بھنسالی، زویا اختر، مسابا گپتا، ورن دھاون، روہیت دھاون، ایان مکھرجی، ارجن کپور، منیش ملہوترا، اکنشا رانجن اور انوشکا رنجن نظر آئیں گے۔
شادی میں شریک ہونے والے مہمانوں کی فہرست سامنے آنے پر مداح یہ جاننے کے لیے بے چین نظر آرہے ہیں کہ آیا شاہ رخ خان اس شادی میں شریک ہوں گے یا نہیں۔
جس کے بعد یہ خبریں منظر عام پر آئیں کہ سپر اسٹار شاہ رخ خان بھی اس جوڑی کی شادی کی خوشیوں میں شامل ہوں گے۔
شاہ رخ خان، عالیہ اور رنبیر کی جانب سے اپریل کے آخر میں فلم انڈسٹری کے تمام دوستوں کے لیے منعقد کیے گئے استقبالیے میں شریک ہوں گے۔
عالیہ اور رنبیر کی جانب سے فلم انڈسٹری کے تمام دوستوں کے لیے منعقد کیے گئے استقبالیے میں کرن جوہر، زویا اختر، روہت دھون، آیان مکھرجی، ارجن کپور، منیش ملہوترا، اکانشا رنجن، اور انوشکا رنجن کو بھی مدعو کیا گیا ہے۔
واضح رہے کہ اداکار شاہ رخ خان اور اداکارہ عالیہ بھٹ نے ایک ساتھ فلم’ڈیئر زندگی‘ میں کام کیا تھا، دونوں کے ایک دوسرے سے بہت اچھے دوستانہ تعلقات ہیں۔
شاہ رخ خان ابھی تک بھارتی فلم انڈسٹری میں قدم رکھنے والے نوجوان اداکاروں میں سب سے زیادہ عالیہ بھٹ کے قریب ہیں ۔
اپنے ایک انٹرویو میں اُنہوں نے کہا تھا کہ عمر میں بہت زیادہ فرق ہونے کے باوجود بھی انہیں عالیہ بھٹ کے ساتھ وقت گزارنا بہت اچھا لگتا ہے، اسی طرح عالیہ بھٹ بھی شاہ رخ خان سے بہت متاثر نظر آتی ہیں۔
