بیرونی سازش کے تحت حکومت کو ہٹایا جارہا ہے، فیصل جاوید

پاکستان تحریک انصاف (پی ٹی آئی) کے سینیٹر فیصل جاوید کا کہنا ہے کہ بیرونی سازش کے تحت حکومت کو ہٹایا جارہا ہے۔

پارلیمنٹ ہاؤس کے باہر میڈیا سے گفتگو کرتے ہوئے کہا کہ عمران خان کیخلاف یہ چارج شیٹ ہے کہ انہوں نے کسی سے سمجھوتا نہیں کیا۔

ان کا یہ بھی کہنا تھا کہ عمران خان کیخلاف یہ چارج شیٹ بھی ہے کہ انہوں نے کاروبار نہیں کیا اور نہ کوئی مل کھولی۔

سینیٹر فیصل جاوید نے کہا کہ عمران خان نے ملک کو ہیلتھ کارڈ دیا۔

اس سے قبل سماجی رابطے کی سائٹ ٹوئٹر پر اپنے بیان میں سینیٹر فیصل نے کہا تھا کہ عمران خان جا نہیں رہے عمران خان پہلے سے زیادہ مضبوط ہونے جارہے ہیں۔

عدم اعتماد کی قرار داد پر ووٹنگ، قومی اسمبلی کا اجلاس ساڑھے 12 بجے تک ملتوی

تحریکِ عدم اعتماد کی قرار داد قومی اسمبلی کے آج کے اجلاس کے ایجنڈے میں چوتھے نمبر پر ہے۔

فیصل جاوید نے کہا کہ کپتان اپنی قوم کے ساتھ ڈٹ کر کھڑے ہیں، آخر تک مقابلہ کرنے کیلئے تیار ہیں، کبھی کپتان نے اپنی قوم کو مایوس کیا اور نہ قوم کپتان کو مایوس کریگی۔

خیال رہے کہ وزیرِ اعظم عمران خان کے خلاف تحریکِ عدم اعتماد کی قرار داد پر ووٹنگ کے لیے قومی اسمبلی کا اسپیکر اسد قیصر کی زیرِ صدارت شروع ہونے والا اجلاس ساڑھے 12 بجے تک ملتوی کر دیا گیا ہے۔