• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دادو: میہڑ آتشزدگی متاثرین کے لیے چیئرمین نادرا نے بڑا قدم اٹھالیا

تازہ ترین
قومی خبریں
25 اپریل ، 2022
دادو: میہڑ آتشزدگی متاثرین کے لیے چیئرمین نادرا نے بڑا قدم اٹھالیا

دادو کے علاقے میہڑ میں آتشزدگی سے متاثرہ افراد کے امدادی چیک کیش نہ ہونے کی بڑی وجہ کے تدارک میں پیشرفت سامنے آئی ہے۔

میہڑ میں آتشزدگی کے دوران متاثرین کے شناختی کارڈ جلنے کی وجہ سے انہیں چیک کیش کرانے میں مشکلات کا سامنا تھا۔

اس حوالے چیئرمین نادرا نے ڈپٹی کمشنر دادو اور ڈی جی نادرا سکھر سے رابطہ کیا ہے۔

انہوں نے ہدایت کی کہ متاثرہ گاؤں میں فوری موبائل وینز بھیجی جائیں اور انگھوٹوں کے نشانات لےکر شناختی کارڈ بنائے جائیں۔

چیئرمین نادرا نے ہدایات میں کہا کہ تمام متاثرین کو بلامعاوضہ اور عید سے پہلے شناختی کارڈ بناکر دیے جائیں گے۔

دادو کے دیہات میں لگی آگ سے متاثرہ افراد کو وزیراعظم شہباز شریف کی طرف سے مالی امداد کے چیک دیے گئے تھے۔

قومی خبریں سے مزید