نوازشریف نے واپسی کا فیصلہ اپنی مرضی سے کرنا ہے، رانا ثناء اللّٰہ

25 اپریل ، 2022

وزیر داخلہ رانا ثناء اللّٰہ کا کہنا ہے کہ واپسی کا فیصلہ نوازشریف نے اپنی مرضی سے کرنا ہے، پارٹی کا مؤقف ہے کہ نواز شریف اپنا علاج مکمل کر کے واپس آئیں۔

رانا ثناء اللّٰہ نے کہا کہ کوشش ہے کہ الیکشن مہم اس سال کے آخری یا اگلے سال مئی تک شروع ہو تو نواز شریف یہاں ہوں، نواز شریف کے بغیر ہمارے معاملات مکمل نہیں ہوتے۔

وزیر داخلہ نے کہا کہ نواز شریف باہر تھے تب بھی ہمارے جلسوں، میٹنگ میں ویڈیو لنک پر ہوتے تھے، نواز شریف کی ملک میں موجودگی ن لیگ کے لیے الیکشن میں کامیابی کی دلیل ہوگی۔

رانا ثناءاللہ نے کہا کہ آئندہ الیکشن میں پنجاب میں کلین سویپ کریں گے، جب ہم لوگوں کو باہر لائیں گے تو پوزیشن واضح ہو جائے گی۔

قومی خبریں سے مزید