سونے کی فی تولہ قیمت میں 1400 روپے کا اضافہ ہوگیا

آج ملک میں سونے کی فی تولہ قیمت میں 1400 روپے کا بڑا اضافہ ہوا ہے۔ 

سندھ صرافہ بازار جیولرز ایسوسی ایشن کے مطابق اس اضافے کے بعد سونے کی فی تولہ قیمت ایک لاکھ 34 ہزار 400 روپے ہوگئی ہے۔

ڈالر کی اونچی اُڑان، انٹربینک میں بلند ترین سطح پر، اوپن مارکیٹ میں 190 کا ہوگیا

کاروبار بند ہونے پر انٹربینک میں ڈالر 188 روپے 66 پیسے کا ہے، آج ڈالر 1 اعشاریہ 13 روپے مہنگا ہوا ہے۔

اسی طرح 10 گرام سونے کی قیمت 1200 روپے بڑھ کر ایک لاکھ 15 ہزار 226 روپے ہوگئی۔

ایسوسی ایشن کے مطابق عالمی صرافہ میں سونے کی قدر 3 ڈالر اضافے سے ایک ہزار 863 ڈالر فی اونس ہے۔