سوشل میڈیا رولز درست کریں، ہر چیز کلیئر ہونی چاہیے، عدالت

اسلام آباد ہائیکورٹ کا کہنا ہے کہ سوشل میڈیا رولز درست کریں، رولز میں ہر چیز کلیئر ہونی چاہیے، آپ کسی کو اوپن نہیں چھوڑ سکتے جس کا کل غلط استعمال ہوجائے۔

سابق حکومت کے سوشل میڈیا رولز کے خلاف درخواست پر چیف جسٹس اسلام آباد ہائیکورٹ جسٹس اطہر من اللّٰہ نے سماعت کی ۔

درخواستوں کی سماعت کے دوران چیف جسٹس اسلام آباد ہائیکورٹ نے ریمارکس دیئے کہ کل جو اپوزیشں میں تھے اب پاور میں ہیں، بہتر نہیں کہ یہ اسٹیک ہولڈرز سے مشاورت کرکے درست کر دیں۔

چیف جسٹس نے کہا کہ آزادیٔ رائے ہی نہیں نفرت انگیز تقاریر اور دیگر چیلنجنگ چیزیں دیکھنا بھی ضروری ہیں، آزادیٔ اظہار رائے کے ساتھ مستقل جو ہوتا رہا، عدالت روزانہ اسے دیکھتی رہی۔