فرمان الہی
نماز کے اوقات
پاکستان مسلم لیگ ن کی نائب صدر مریم نواز کی جانب سے والد، میاں محمد نواز شریف اور چاچا میاں محمد شہباز شریف کی تصویر پر جذبات کا اظہار کیا گیا ہے۔
سماجی رابطے کی ویب سائٹ ٹوئٹر پر متحرک رہنے والی سیاستدان مریم نواز نے لندن میں ہونے والی چاچا اور والد کی اہم ترین ملاقات کے دوران بنائی گئی تصویروں پر اُنہیں خوش قسمت قرار دیا ہے۔
اس تصویر میں سابق وزیر اعظم نواز شریف اور موجودہ وزیر اعظم شہباز شریف گلے ملنے کے لیے والہانہ انداز میں ایک دوسرے کی جانب بڑھ رہے ہیں۔
مریم نواز نے اپنے اکاؤنٹ پر نواز شریف، شہباز شریف کی تصویر شیئر کرتے ہوئے کیپشن میں لکھا ہے کہ ’وہ کتنے خوش قسمت ہوتے ہیں جنہیں یہ عقیدتیں اور محبتیں نصیب ہوتی ہیں۔‘
مریم نواز کا مزید دو تصویروں پر ’ماشاءاللّٰہ‘ کا کیپشن بھی دیا گیا ہے۔
