ہنزہ، 6 روز بعد آمدورفت کیلئے پل بنا دیا گیا

14 مئی ، 2022

ہنزہ میں حسن آباد کے تباہ ہونے والے پُل کی آمد و رفت کے لیے 6 روز بعد تعمیر مکمل کر لی گئی ہے۔

ڈپٹی کمشنر ہنزہ کے مطابق آمد و رفت کے لیے پل مقامی افراد، علی آباد شہر جانےکے لیےاستعمال کریں گے جبکہ سیاح اب بھی متبادل روڈ شاہراہ نگر استعمال کریں گے۔

ڈپٹی کمشنر ہنزہ کے مطابق حسن آباد اور مرتضیٰ آباد کے لیے پینے کا پانی بحال کر دیا گیا ہے جبکہ علی آباد میں پینے کے پانی کا مسئلہ اب تک حل نہیں ہو سکا ہے۔

واضح رہے کہ گلگت بلتستان کی وادیٔ ہنزہ کے علاقے حسن آباد میں شیشپر گلیشیئر میں بننے والی جھیل سے پانی کے اخراج نے تباہی مچا دی تھی جس کے بعد حسن آباد میں پل گرنے کے بعد 22 گھروں کو خالی کرا لیا تھا۔

پُل گرنے کے نتیجے میں علی آباد شہر اور حسن آباد گاؤں میں زرعی اور پینے کے پانی کا نظام تباہ ہو گیا تھا اور 2 بجلی گھر بھی متاثر ہوئے تھے۔

قومی خبریں سے مزید