• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جنگلات میں آگ پر قابو پانے کیلئے ٹاسک فورس قائم

تازہ ترین
قومی خبریں
22 مئی ، 2022
فائل فوٹو
فائل فوٹو

بلوچستان کے ضلع شیرانی کے جنگلات میں لگی آگ پر قابو پانے کے حوالے سے ٹاسک فورس بھی قائم کردی گئی۔

ترجمان بلوچستان حکومت فرح عظیم شاہ نے کہا کہ این ڈی ایم اے کے دو ہیلی کاپٹر آگ بجھانے کے عمل میں مصروف ہیں۔

فرح عظیم شاہ نے کہا کہ شیرانی کے جنگلات میں لگی آگ پر جلد قابو پالیا جائے گا۔

اُنہوں نے کہا کہ جنگلات میں لگی آگ کنٹرول کرنے کے لیے پی ڈی ایم اے کا کنٹرول روم قائم کردیا گیا ہے۔

شیرانی کے جنگل میں لگی آگ انتہائی خطرناک صورت اختیار کرچکی ہے: حافظ حمد اللّہ

بلوچستان کے ضلع شیرانی کے جنگلات میں لگی آگ پر ترجمان پی ڈی ایم حافظ حمداللّہ نے کہا ہے کہ آگ انتہائی خطرناک صورت اختیار کرچکی ہے۔

ترجمان بلوچستان حکومت نے یہ بھی کہا کہ پاک فوج اور ایف سی کی ٹیمیں بھی ریسکیو اور ریلیف آپریشن کے لیے موجود ہیں۔

اُن کا مزید کہنا تھا کہ فائر فائنٹنگ کے لیے ایک طیارہ فراہم کرنے پر ہم ایران کے مشکور ہیں۔

قومی خبریں سے مزید