• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پانچ زخمیوں کو جناح اسپتال لایا گیا، ترجمان

تازہ ترین
قومی خبریں
25 مئی ، 2022
پانچ زخمیوں کو جناح اسپتال لایا گیا، ترجمان

کراچی میں پی ٹی آئی اور پولیس کے درمیان تصادم میں ہونے والے زخمیوں کو جناح اسپتال پہنچا دیا گیا ہے۔

ترجمان جناح اسپتال کا کہنا ہے کہ پانچ زخمیوں کو اسپتال لایا گیا ہے، زخمیوں میں ایک پولیس اہلکار بھی شامل ہے، دو زخمی افراد کو ایک ایک گولی لگی ہے۔

نمائش چورنگی پر پولیس موبائل نذرآتش، ایس پی سمیت کئی پولیس اہلکار زخمی

پولیس اہلکاروں نے ہوائی فائرنگ کی تاہم مظاہرین کی تعداد مزید بڑھتی گئی۔

ترجمان جناح اسپتال کا کہنا ہے کہ  ایک شخص آنسو گیس کی شیلنگ سے متاثر ہوا، پیٹ میں گولی لگنے سے زخمی اظہر احمد آپریشن تھیٹر میں ہے۔

ترجمان کا کہنا ہے کہ دو افراد کو طبی امداد فراہم کرکے گھر بھیج دیا گیا،  تمام افراد کی حالت خطرے  سے باہر ہے۔

واضح رہے کہ اس سے قبل نمائش چورنگی پر تحریک انصاف کارکنان نے جمع ہونے کی کوشش کی، پولیس نے کارکنان کو منتشر کرنے کے لیے لاٹھی چارج کیا جبکہ پی ٹی آئی کارکنان کے پتھراؤ سے 3 پولیس اہلکار زخمی ہوگئے۔

پی ٹی آئی کارکنان نے نورانی سگنل اورخداداد سگنل اوراطراف کی تمام دکانیں بند کروادیں، رہنما تحریک انصاف خرم شیر زمان خداداد کالونی سگنل پہنچ گئے۔

خرم شیر زمان کا کہنا ہے کہ پولیس مظاہرین کو ڈنڈے مار رہی ہے، شیلنگ، ہوائی فائرنگ کررہی ہے، پولیس نے عورتوں کو بھی ڈنڈے مارے، ہم پر امن بیٹھے تھے۔

نمائش چورنگی پر کارکنان کو منتشر کرنے کے لیے پولیس نے ہوائی فائرنگ بھی کی، نورانی سگنل پر حالات کا جائزہ لینے ڈی آئی جی ایسٹ پہنچ گئے۔

مظاہرہن کے پتھراؤ سے 2 پولیس موبائلوں کو بھی نقصان پہنچا ہے، مشتعل افراد نے پولیس اہلکاروں پر تشدد کرتے ہوئے پولیس موبائل پر توڑ پھوڑ بھی کی۔

قومی خبریں سے مزید