لیڈی کانسٹیبل کی ہلاکت کا ملزم ایس پی عارف شاہ عبوری ضمانت منسوخ ہونے پر فرار

اسلام آباد پولیس کی لیڈی کانسٹیبل اقرا نذیر کی ہلاکت کا ملزم ایس پی عارف شاہ عبوری ضمانت منسوخ ہونے پر فرار ہوگیا۔

 پولیس کا کہنا ہے کہ میڈیکل رپورٹ کے مطابق اقرا کی موت زہریلی چیز کے باعث ہوئی۔

اسلام آباد: خاتون پولیس کانسٹیبل کا قتل، ملزمان کی ضمانت منسوخ

ملزم ایس پی عارف شاہ اور ملزمان افتخار اور محمد علی مفرور ہیں، ملزمان نے لیڈی کانسٹیبل کے قتل کے الزام پر عبوری ضمانت حاصل کر رکھی تھی۔

 پولیس کے مطابق ایس پی عارف شاہ اور اقرا نذیر کے درمیان طویل میسجز اور کال کا ریکارڈ ملا ہے، ایس پی عارف شاہ پولیس تحقیقات کا حصہ نہیں بنے، ان کے خلاف اس بات کی تحقیقات بھی ہونی تھی کہ انہوں نے ماتحت ملازمہ کو سرکاری رہائش گاہ پر کیسے ٹھہرایا۔

ملزم ایس پی عارف شاہ اقرا کی لاش کو کراچی میں ان کے لواحقین کے پاس بھجوانا چاہتا تھا، ایس پی عارف شاہ کے ساتھ کام کرنے والے دو پولیس ملازمیں پر ثبوت ضائع کرنے کا الزام ہے۔