شرمین عبید چنائے کا فواد خان کیساتھ کام کرنے کا تجربہ کیسا رہا؟

آسکر ایوارڈ یافتہ پاکستانی فلمساز شرمین عبید چنائے اور مارول سنیمیٹک یونیورس کے نئے پراجیکٹ ’مس مارول‘ نے ریلیز ہوتے ہی پوری دنیا میں دھوم مچا دی ہے۔

اس سیریز میں اداکارہ مہوش حیات، نمرہ بچہ، ثمینہ احمد، اور فواد خان سمیت کچھ مشہور ایشیائی اداکار بھی شامل ہیں۔

شرمین عبید چنائے نے سیریز کی قسط نمبر 4 اور 5 کے بارے میں بات کرتے ہوئے کہا کہ’ان اقساط میں آپ سیریز میں کمالہ خان کی طاقتوں کی اصل میں گہرائی میں ڈوب جائیں گے، یہ دونوں اقساط سیریز کی دیگر اقساط سے تھوڑی مختلف ہیں‘۔ 

سیریز میں ابھی فواد خان کے کردار کی انٹری ہونا باقی ہے، اسی حوالے سے بات کرتے ہوئے شرمین عبید چنائے نے فواد خان کے ساتھ کام کرنے کے اپنے  تجربے کے بارے میں بھی بات کی ہے۔

انہوں نے کہا کہ ’فواد خان ایسے ناقابل یقین اداکاروں میں سے ایک ہیں، جوکہ ورسٹائل ہیں‘۔ 

اُنہوں نے مزید کہا کہ ’جیسے ہی وہ سیٹ پر آتے ہیں اور آپ ان سے ایکشن میں آنے کو کہتے ہیں، تو آپ اُنہیں کام کرتے دیکھ کر باقاعدہ محسور ہوتے ہیں‘۔ 

سیریز ’مس مارول‘ میں پاکستانیوں کی نمائندگی مثبت ہوگی، مہوش حیات

معروف پاکستانی اداکارہ مہوش حیات کا کہنا ہے کہ سیریز ’مس مارول‘ میں پاکستانیوں کی نمائندگی مثبت ہوگی۔

شرمین عبید چنائے کا کہنا ہے کہ ’فواد خان واقعی لاجواب ہیں‘۔

اُنہوں نے مزید کہا کہ ’ہر ہدایت کار نے سیریز میں کچھ مختلف دکھانے کی کوشش کی ہے، اور میں نے سیریز میں زیادہ تر مضبوط لوکیشنز پر کام کیا ہے‘۔ 

اُنہوں نے بتایا کہ ’میں نے سیریز کی عکس بندی بہت ساری مختلف لوکیشنز پر کی ہے‘۔