کراچی میں آج سے تیز بارشوں کا امکان

کراچی میں آج دوپہر سے موسلا دھار بارشوں کا نیا سلسلہ شروع ہوگا، رات کو تیز بارشیں برس سکتی ہیں۔

رپورٹس کے مطابق 18 جولائی تک بارشوں کا سلسلہ چل سکتا ہے، 23 جولائی سے نیا سسٹم ملک میں داخل ہوگا۔

محکمہ موسمیات کا کہنا ہے کہ جولائی میں ایک یا دو روز شاید بارش نہ ہو، اگست کے وسط تک ایک کے بعد ایک اسپیل آئے گا۔

بارش کے اگلے اسپیل میں حب ڈیم اوور فلو ہوگا، جی ایم واپڈا

جی ایم واپڈا عامر مغل کا کہنا ہے کہ حب ڈیم میں پانی کی سطح 338 فٹ ہوگئی، بارش کے اگلے اسپیل میں ڈیم اوور فلو ہوگا۔

موسمیاتی ماہرین کے مطابق کراچی کے کئی علاقوں میں 80 سے 90 ملی میٹر اور کچھ علاقوں میں 100 ملی میٹر سے زیادہ بھی پانی برس سکتا ہے۔