عمران بتائیں پاکستانیوں کو غلیظ گالیوں سے نواز کر کن کو پیغام دیا گیا؟ پرویز رشید

پاکستان مسلم لیگ (ن) کے رہنما پرویز رشید کا کہنا ہے کہ عمران خان بتائیں کہ پاکستانیوں کو غلیظ گالیوں سے نواز کر کن غیر ملکی آقاؤں کو خوش کر کے پیغام دیا گیا؟

اپنے بیان میں سابق وفاقی وزیر نے کہا کہ چیئرمین تحریک انصاف عمران خان نے ایسی تقریب میں شرکت کی جس میں پشاور اور فیصل آباد کے شہریوں کو غلیظ گالیوں سے منسوب کیا گیا۔

اپنے بیان میں پرویز رشید نے کہا کہ ‏کیا عمران اور اُن کے ساتھیوں میں اتنی اخلاقی جرات ہے وہ ڈالروں کے عوض گالیوں سے بھی پاکستانی قوم کو آگاہ کریں۔

پرویز رشید نے کہا کہ گالیاں تقریب کے منتظم عارف نقوی نے پشاور اور فیصل آباد کے ناموں کے لیے تجویز دیں۔