کراچی میں ہلکی بارش، مزید بادل برسنے کا امکان

کراچی کے مختلف علاقوں میں صبح سویرے ہلکی بارش ہوئی ہے۔ محکمہ موسمیات نے آج سندھ کے مختلف علاقوں میں بارش کی پیش گوئی کی ہے۔

محکمہ موسمیات کا کہنا ہے کہ آج کراچی، سکھر، لاڑکانہ اور جیکب آباد میں بارش کا امکان ہے۔

اس کے علاوہ اسلام آباد، پنجاب، خیبرپختونخوا، کشمیر اور گلگت بلتستان میں بھی بادل برس سکتے ہیں۔

بلوچستان، بارشوں سے اموات 127 ہوگئیں

رپورٹس کے مطابق صوبے میں موسلا دھار بارشوں کی وجہ سے ساڑھے 13 ہزار مکانات متاثر ہوئے جبکہ بجلی کے 140 کھمبے گرچکے ہیں۔

دوسری جانب بلوچستان میں وقفے وقفے سے موسلا دھار بارشیں جاری ہیں جس کی وجہ سے ندی نالوں میں طغیانی ہے۔

سیلابی ریلوں سے بیشتر رابطہ سڑکیں بہہ گئی ہیں جبکہ اہم شاہراہیں متاثر ہوئی ہیں۔