روس نے نینسی پلوسی کے دورہ تائیوان کو اشتعال انگیزی قرار دے دیا

روس نے امریکی ایوان نمائندگان کی اسپیکر نینسی پلوسی کےدورہ تائیوان کو اشتعال انگیزی قرار دیا ہے۔

ماسکو سے خبر ایجنسی کے مطابق ترجمان کریملن کا کہنا ہے کہ امریکی اسپیکر نینسی پلوسی کے دورہ تائیوان کی وجہ سے کشیدگی کی سطح کو کم نہیں سمجھا جانا چاہیے۔

امریکا تائیوان کو کبھی تنہا نہیں چھوڑے گا، نینسی پلوسی

امریکی ایوان نمائندگان کی سپیکر نینسی پلوسی نے دورہ تائیوان کے دوران کہا ہے کہ ’امریکہ تائیوان کو کبھی تنہا نہیں چھوڑے گا۔‘

ترجمان نے کہا کہ نینسی پلوسی کے دورہ تائیوان کے تناظر میں چین اور روس کے صدور کے درمیان اضافی رابطوں کا کوئی منصوبہ نہیں بنایا گیا ہے۔

دوسری جانب امریکی ایوان کی اسپیکر نینسی پلوسی دورہ مکمل کرکے تائیوان سے روانہ ہوچکی ہیں۔ وہ گزشتہ شام تائیوان کے دورے پر تائپے پہنچی تھیں۔