ایلون مسک کا ٹوئٹر کے چیف ایگزیکٹو پیراگ اگروال کو چیلنج

07 اگست ، 2022

معروف امریکی کمپنی ٹیسلا اور اسپیس ایکس کے بانی ایلون مسک نے ٹوئٹر انکارپوریشن کے چیف ایگزیکٹو آفیسر پیراگ اگروال کو ٹوئٹر پر بوٹس کی تعدداد کے بارے میں عوام کے سامنے گفتگو کرنے کا چیلنج کر دیا۔

ایلون مسک نے مائیکرو بلاگنگ ویب سائٹ ٹوئٹر پر پیراگ اگروال کو چیلنج کیا ہے کہ عوام کے سامنے ثابت کریں کہ ٹوئٹر پر جعلی اکاؤنٹس یا بوٹس کی تعداد 5 فیصد سے کم ہے۔

اُنہوں نے اس حوالے سے لوگوں کی رائے جاننے کے لیے ٹوئٹر پر ایک آن لائن پول بھی کروایا ہے۔

واضح رہے کہ ٹوئٹر نے جمعرات کو ایلون مسک کی جانب سے 44 بلین ڈالرز کی ٹوئٹر ڈیل کے لیے عائد کیےگئے دھوکا دہی کے الزامات کو مسترد کر دیا تھا۔

اس سے قبل ایلون مسک نے 29 جولائی کو ٹوئٹر کے خلاف ایک جوابی مقدمہ دائر کیا تھا، جس میں اُنہوں نے ٹوئٹر انکارپوریشن پر یہ الزام عائد کیا تھا کہ کمپنی نے اُنہیں ٹوئٹر پر موجود جعلی اکاؤنٹس کی تعداد غلط بتائی ہے۔

بین الاقوامی خبریں سے مزید