غزہ پر حملہ، اقوامِ متحدہ کا اجلاس کل طلب

اسرائیل کے فلسطین پر حملے کے پیشِ نظر اقوامِ متحدہ کی سلامتی کونسل نے کل اجلاس طلب کر لیا۔

امریکی میڈیا کے مطابق اقوامِ متحدہ کی سلامتی کونسل نے غزہ پر اسرائیلی حملے کی مذمت کی ہے۔

امریکی میڈیا نے بتایا ہے کہ سلامتی کونسل کے اجلاس میں اسرائیلی فوج کے غزہ پر میزائل حملوں پر گفتگو ہو گی۔

غزہ پر اسرائیل کی پھر بمباری، 5 فلسطینی شہید

فلسطینی تنظیم اسلامی جہاد نے اپنے کمانڈر اور کم سنوں کی موت کا بدلہ لینے کا عزم کیا ہے، جبکہ جوابی کارروائی میں اسرائیل پر ساڑھے تین سو راکٹ داغے گئے۔

واضح رہے کہ غزہ کے جبالیہ مہاجر کیمپ پر اسرائیل کی بمباری میں 3 کمسنوں سمیت 5 فلسطینی شہید ہوگئے، 2 روز میں جاں بحق فلسطینیوں کی تعداد 32 ہو گئی ہے۔

غیر ملکی خبر ایجنسی کے مطابق جمعے سے جاری اسرائیلی حملوں میں 140 سے زائد فلسطینی زخمی ہوئے ہیں۔