فیڈرل بورڈ آف ریوینو کے ذرائع کا کہنا ہے کہ یو اے ای کی جانب سے سرمایہ کاری پر ٹیکس چھوٹ دیے جانے کا امکان ہے۔
سرمایہ کاری پر ٹیکس چھوٹ 3 سے 5 سال تک کیلئے مجموعی طور پر 20 سے 25 ارب روپے تک دی جاسکتی ہے۔
ایف بی آر کا کہنا ہے کہ یو اے ای کی جانب سے مجموعی طور پر 1 ارب ڈالر کی سرمایہ کاری کی توقع کی جارہی ہے۔
ذرائع کا کہنا ہے کہ ٹیکس چھوٹ دینے سے متعلق تجاویز ابھی تیاری کے ابتدائی مراحل میں ہیں۔
ممکنہ طور پر درآمدی مشینری،درآمدی پارٹس اور انکم ٹیکس چھوٹ دی جاسکتی ہے۔
یو اے ای کی جانب سے ہیلتھ کیئر، زرعی شعبے،انرجی انفرااسٹرکچر کے علاوہ گیس، ڈیجیٹل کمیونیکیشن اور متبادل انرجی کے ذرائع میں بھی سرمایہ کاری کی جائے گی۔