شہباز گِل کے ڈرائیور کی گرفتاری قانونی ہے: پولیس

11 اگست ، 2022

اسلام آباد پولیس کے ترجمان کا کہنا ہے کہ شہباز گِل کے ڈرائیور کے گھر چھاپے اور گرفتاری کا عمل قانونی ہے۔

جاری کیے گئے بیان میں اسلام آباد پولیس کے ترجمان نے کہا ہے کہ شہباز گِل کے ڈرائیور کے اہلِ خانہ نے کارِسرکار میں عملی مزاحمت کی۔

ترجمان اسلام آباد پولیس کا کہنا ہے کہ کیپیٹل پولیس اس کیس سے جڑے تمام تر شواہد و ثبوت اکٹھے کر رہی ہے، جہاں بھی قانونی کارروائی کی ضرورت پڑی پولیس اپنا کام کرے گی۔

اسلام آباد پولیس کے ترجمان نے بتایا ہے کہ کیس کا دائرہ کار اسلام آباد کے علاوہ دیگر صوبوں تک بھی پھیلایا جا سکتا ہے۔

ترجمان اسلام آباد پولیس کے مطابق جو لوگ ثبوت چھپانے یا شواہد مٹانے میں ملوث ہوئے ان کے خلاف قانونی کارروائی ہو گی۔

اسلام آباد پولیس کے ترجمان نے اپیل کی ہے کہ عوام سے گزارش ہے کہ جھوٹی خبروں پر دھیان نہ دیں، جو غلط خبریں اور عوام میں اشتعال پھیلا رہے ہیں ان کے خلاف بھی کارروائی ہو گی۔

ترجمان اسلام آباد پولیس کا یہ بھی کہنا ہے کہ اسلام آباد کیپیٹل پولیس قانون کی عمل داری کو یقینی بنائے گی۔

قومی خبریں سے مزید