فرمان الہی
نماز کے اوقات
چیف میٹرولوجسٹ سردار سرفراز کا کہنا ہے کہ 14 اگست تک مون سون سسٹم کے زیر اثر سندھ میں بارشوں کا امکان رہے گا جبکہ نیا مون سون سسٹم 16 اگست سے سندھ پر اثر انداز ہوسکتا ہے۔
سردار سرفراز کا کہنا ہے کہ شمال مشرقی بحیرۂ عرب میں موجود ڈپریشن کا پھیلاؤ زیادہ ہے جس کے باعث 14 اگست تک سندھ میں بارشوں کا امکان رہے گا۔
چیف میٹرولوجسٹ نے بتایا کہ کراچی میں دن کے اوقات میں کہیں، معتدل اور تیز موسلا دھار بارش بھی ہوسکتی ہے جبکہ شہر میں رات کو بھی بارش کا امکان ہے۔
سردار سرفراز کے مطابق کراچی میں 15 اگست کو بارش کی شدت کم رہے گی تاہم 16اگست سے ایک اور مون سون سسٹم سندھ پر اثر انداز ہوسکتا ہے۔
چیف میٹرولوجسٹ نے بتایا کہ نئے سسٹم کی شدت بھی زیادہ ہے اور یہ تین سے چار روز تک اثر انداز رہے گا۔
