• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہمارے پاس ثبوت ہیں کہ شہباز گل پر تشدد کیا گیا، وکیل فیصل چوہدری

تازہ ترین
قومی خبریں
16 اگست ، 2022
ہمارے پاس ثبوت ہیں کہ شہباز گل پر تشدد کیا گیا، وکیل فیصل چوہدری

چیئرمین پاکستان تحریک انصاف عمران خان کے چیف آف اسٹاف شہباز گل کے وکیل فیصل چوہدری نے کہا ہے کہ ہمارے پاس ثبوت ہیں کہ شہباز گل پر تشدد کیا گیا۔

اسلام آباد کچہری کے باہر میڈیا سے گفتگو میں فیصل چوہدری ایڈووکیٹ نے کہا کہ جس دن ریمانڈ مسترد ہوا تب میڈیا نے دیکھا کس طرح میرے موکل پر تشدد ہوا۔

شہباز گل پر برہنہ تشدد، عمران خان کو ان کے اپنے ہی وزير نے جھٹلادیا

چیئرمین پاکستان تحریک انصاف ( پی ٹی آئی) عمران خان کو اُن کے اپنے ہی وزیر نے جھٹلادیا۔

انہوں نے مزید کہا کہ شہباز گل پر تشدد اسلام آباد میں ہوا، یہ تفتیش نہیں کرنا چاہتے بلکہ تشدد کرنا چاہتے ہیں،ایسا کرنے کا ان کا کچھ اور ہی مقصد ہے۔

شہباز گل کے وکیل نے یہ بھی کہا کہ ہمارے پاس ثبوت ہیں کہ شہباز گل پر تشدد کیا گیا، پاکستان کی تاریخ بہت بھیانک ہے، ذوالفقار علی بھٹو کا کیس دیکھ لیں۔

اُن کا کہنا تھا کہ شہباز گل کے لیے ہم اپنے سارے آئینی اختیار استعمال کریں گے، کچھ چیزیں عدالت میں کہنی ہیں وہ یہاں نہیں کہہ سکتا۔

قومی خبریں سے مزید