رنویر سنگھ نے اپنی کامیابی کا راز بتادیا

12 ستمبر ، 2022

بالی ووڈ کے معروف اداکار رنویر سنگھ نے حال ہی میں فلم فیئر ایوارڈز میں بہترین اداکار کا ایوارڈ وصول کرنے کے بعد انڈسٹری میں اپنی کامیابی کا راز بتادیا۔

رنویر سنگھ نے فوٹو اینڈ ویڈیو شیئرنگ ایپ انسٹاگرام پر فلم ایوارڈ کی تقریب میں ایوارڈ وصول کرتے ہوئے اپنی ویڈیو شیئر کی ہے۔

اس ویڈیو میں رنویر سنگھ کو ایوارڈ حاصل کرنے کے بعد کافی جذباتی ہوتے ہوئے دیکھا جاسکتا ہے۔

اُنہوں نے ایوارڈ وصول کرنے کے بعد کہا کہ’جو کچھ بھی میری زندگی میں اب تک ہوا میری سوچ سے بڑھ کر ہوا، یہاں تک کہ مجھے تو یقین بھی نہیں ہوتا ہے کہ میں یہاں آپ سب لوگوں کے سامنے کھڑا ہوں‘۔

اُنہوں نے کہا کہ’مجھے ہر روز اس بات پر بے یقینی سی بھی ہوتی ہے کہ میں ایک اداکار ہوں‘۔

اُنہوں نے مداحوں سے مخاطب ہوتے ہوئے کہا کہ’سب سے پہلے تو میں آپ لوگوں کا شکریہ ادا کرنا چاہوں گا کہ آپ لوگ میرے اس سفر کا حصّہ بنے‘۔

رنویر سنگھ نے کہا کہ ’میں جو کچھ بھی ہوں اپنے ماں باپ اور اپنی دیدی (بہن) کی وجہ سے ہوں‘۔