شہباز شریف، رانا ثناء تیاری کرلیں، میرا پلان بن رہا ہے، عمران خان

چیئرمین پاکستان تحریک انصاف (پی ٹی آئی) عمران خان نے حقیقی آزادی کےلیے ساری قوم کو نکالنے کے عزم کا اظہار کیا ہے۔

پشاور میں پی ٹی آئی یوتھ ونگ سے خطاب میں عمران خان نے کہا کہ اسلام آباد میں ایک قاتل رانا ثناء اللّٰہ بیٹھا ہے، جس بزدل نے پچھلی بار خواتین پر آنسو گیس کی شیلنگ کی۔

’دنیا سے مانگنے میں ماہر‘ کے سوال پر شہباز شریف کا برجستہ جواب

وزیراعظم شہباز شریف سے نیوز کانفرنس کے دوران صحافی نے عمران خان کے جلسوں میں دکھائے جانے والے کلپ کا حوالہ دے کر سوال کیا۔

انہوں نے کہا کہ شہباز شریف اور رانا ثناء اللّٰہ تیاری کرلیں، میرا پلان بن رہا ہے، حقیقی آزادی کے لیے ساری قوم کو نکالوں گا۔

پی ٹی آئی چیئرمین نے مزید کہا کہ آج مہنگائی کے سارے ریکارڈ ٹوٹ گئے ہیں، عالمی منڈیوں میں تیل کی قیمتیں گر گئیں یہاں بڑھ گئی ہیں۔

اُن کا کہنا تھا کہ بڑے ڈاکوؤں کو ملک پر مسلط کیا گیا، شہباز شریف ایک مفرور کے ساتھ آیا ہے، جو ملک کا پیسہ چوری کرتا رہا۔

عمران خان نے یہ بھی کہا کہ قومی احتساب بیورو نے اسحاق ڈار سے پوچھا کہ آپ کے والد کی تو سائیکل کی دکان تھی، آپ ارب پتی کیسے بنے؟

انہوں نے کہا کہ اسحاق ڈار کی نیب کے اس سوال پر کانپیں ٹانگنا شروع ہوگئیں۔

پی ٹی آئی چیئرمین نے کہا کہ جب سے یہ دونوں خاندان آئے ہیں، یہ امیر ہوتے گئے اور ملک مقروض ہوتا گیا، یہ سب چور پیسہ لوٹ کر باہر جاتے ہیں اور ڈیل کرکے واپس آ جاتے ہیں۔

اُن کا کہنا تھا کہ نواز شریف جھوٹ بول کر برطانیہ گئے، ان کی میڈیکل رپورٹ بھی دو نمبر تھی، مریم نواز نے تو جھوٹ بولنے میں پی ایچ ڈی کی ہوئی ہے۔