امریکی ڈالر کی قدر آج مزید کم

گزشتہ کچھ دنوں سے امریکی ڈالر کے زوال کا سفر جاری ہے جبکہ اس کے مقابلے میں روپے کی قدر میں اضافہ ہو رہا ہے۔

آج صبح کاروبار کے آغاز سے ہی امریکی ڈالر مزید سستا ہونے لگا۔

انٹر بینک میں کاروبار کے اختتام پر ڈالر 1 روپے 18 پیسے سستا ہونے کے بعد 228 روپے 45 پیسے کا ہو گیا ہے۔

انٹر بینک میں رواں ہفتے ڈالر 11 روپے 20 پیسے سستا ہوا ہے۔

ڈالر کی قیمت میں حالیہ کمی کے بعد پاکستان پر قرضوں کے بوجھ میں 1350 ارب روپے کی کمی ہو گئی ۔