• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسحاق ڈار کی سیلاب متاثرین کو ادائیگی آسان بنانے کی ہدایت

تازہ ترین
قومی خبریں
03 اکتوبر ، 2022
اسحاق ڈار کی سیلاب متاثرین کو ادائیگی آسان بنانے کی ہدایت

وزیر خزانہ اسحاق ڈار نے متاثرین سیلاب کو امدادی رقم کی ادائیگی آسان بنانے کی ہدایت کردی۔

اسلام آباد میں اسحاق ڈار کی زیر صدارت سیلاب متاثرین کی امداد سے متعلق اجلاس ہوا، وزیر خزانہ نے ہدایت کی کہ متاثرین کو امدادی رقم کا ادائیگی آسان بنائی جائے۔

تقاریر سے لگ رہا ہے عمران خان فرسٹریشن کا شکار ہیں، اسحاق ڈار

وفاقی وزیر خزانہ اسحاق ڈار نے کہا ہے کہ سابق وزیراعظم عمران خان کی تقاریر سے لگ رہا ہے کہ وہ فرسٹریشن کا شکار ہیں۔

اعلامیے کے مطابق اجلاس میں وزیر مملکت برائے خزانہ، گورنر اسٹیٹ بینک آف پاکستان، سیکریٹری خزانہ اور دیگر حکام نے شرکت کی۔

اعلامیے کے مطابق اسحاق ڈار نے سیلاب متاثرین کو امدادی رقوم کی ادائیگی میں بدعنوانی پر تشویش کا اظہار کیا اور ہدایت کی کہ متاثرین کو جلد از جلد شفاف طریقے سے رقوم کی ادائیگی کی جائے۔

سیکریٹری بے نظیر انکم سپورٹ پروگرام نے شرکاء کو بریفنگ میں بتایا کہ 90 فیصد سیلاب متاثرین کو امدادی رقم ادا کردی گئی ہے جبکہ باقی کو بھی آئندہ 5 روز میں رقم ادا کردیں گے۔

بریفنگ میں اجلاس کے شرکاء کو بتایا گیا کہ متاثرین سیلاب کی شکایات کو دور کرنے کے لیے فوری اقدامات کیے جارہے ہیں۔

وزیر خزانہ نے ہدایت کی کہ تمام ڈسٹری بیوشن پوائنٹس پر کیش کی دستیابی کو ہر صورت ممکن بنایا جائے۔

قومی خبریں سے مزید