فرمان الہی
نماز کے اوقات
کراچی ایکسپو سینٹر میں 4 روزہ بین الاقوامی دفاعی نمائش آئیڈیاز 2022 کا انعقاد کیا جا رہا ہے۔
یہ نمائش 15 نومبر سے شروع ہوگی جس کا افتتاح وزیر اعظم پاکستان میاں شہباز شریف کریں گے۔
اس سلسلے میں ڈائریکٹر جنرل کوارڈینیشن ڈیپو بریگیڈیئر نوید اعظم چیمہ نے پریس کانفرنس کی۔
ان کے ہمراہ ڈی آئی جی ٹریفک احمد نواز چیمہ ایم ڈی بدر ایکسپو اور دیگر بھی موجود تھے۔
ڈائریکٹر کوآرڈینیشن ڈیپو بریگیڈئیر نوید اعظم چیمہ نے بتایا کہ بین الاقوامی دفاعی نمائش آئیڈیاز 15 نومبر سے کراچی میں شروع ہورہی ہے، جو 18نومبر تک جاری رہے گی۔
انہوں نے کہا کہ موجودہ حالات میں نمائش کا انعقاد ایک چیلنج تھا، تاہم 4 روزہ دفاعی نمائش ڈیفنس ایکسپورٹ پروموشن آرگنائزیشن کے زیر اہتمام منعقد کی جا رہی ہے۔
ڈی جی ڈیپو بریگیڈئیر نوید اعظم چیمہ نے مزید بتایا کہ بین الاقوامی ایونٹس کا معیار کمپنیوں کی تعداد اور جگہ سے جانچا جاتا ہے۔ بین الاقوامی کمپنیاں اپنے ساتھ بہت مصنوعات لے کر آئیں گی۔
انہوں نے کہا کہ ہماری بھی کمپنیاں نئی مصنوعات دنیا کو متعارف کروائی جائیں گی، تین سو وفود پاکستان آنے کا کنفرم کرچکے ییں، تین نئے ممالک آسٹریا، رومانیہ، ہنگری پہلی بار آرہے ہیں۔
انہون نے کہا کہ ترکش کمپنیاں دنیا بھر میں وسعت اختیار کر رہی ہیں۔ ایکسپو سینٹر کے دو ہال ترکش کمپنیوں اور چائنا نے ایک ہال بک کرائے ہیں۔ ملک بھر سے چھوٹ بڑے وینڈرز اپنی منفرد مصنوعات کے ساتھ شرکت کریں گی۔ امریکہ اور روس کی کمپنیاں بھی نمائش میں شرکت کررہی ہیں۔
ڈائریکٹر میڈیا ڈیپو کموڈور محمد طاہر نے کہا کی جی ایف 17، الخالد ٹینک سمیت دیگر مصنوعات کی دنیا بھر میں بہت ڈیمانڈ ہے۔ کورونا کی عالمی وبا کے باعث 2020 میں نمائش کا انعقاد نہیں ہوسکا تھا۔
رواں برس چار سال بعد یہ ایونٹ ہورہا ہے۔ آئیڈیاز کا آغاز سال 2000میں ہوا تھا جبکہ رواں سال دفاعی نمائش کا یہ گیارہواں ایڈیشن ہے۔
آئیڈیاز کا انعقاد ٹیکنالوجی کے تبادلے اور فروغ میں اہم کردار ادا کرتا ہے۔
آئیڈیاز کے پلیٹ فارم سے بین الاقوامی کمیونٹی اور ان کی دفاعی انڈسٹریز کو ہماری مصنوعات کو جاننے کا موقع ملتا ہے۔
آئیڈیاز کے 2000 میں آغاز کے وقت مندوبین کی تعداد 84 تھی، جو 2018 میں 231 تک پہنچ گئی۔
آئیڈیاز میں سیمینارز، ٹیکنالوجی شیئرنگ، بی ٹو بی، بی ٹو جی ملاقاتیں ہوں گی۔
انہوں نے بتایا کہ 15 نومبر کو نمائش کا وزیر اعظم افتتاح کریں گے۔
17 نومبر کو سی ویو پر ڈرلز منعقد کی جائیں گی۔ نمائش میں 51 ممالک کے 522 مندوبین ، 64 ممالک کے 285 وفود ، 323 بیرون ممالک اور 199 لوکل مندوبین شریک ہوں گے۔
ڈی آئی جی ٹریفک کراچی احمد نواز چیمہ کی جانب سے پریس کانفرنس میں نمائش کے دنوں میں علاقے میں ٹریفک کی صورتحال کے حوالے سے تفصیلات سے آگاہ کیا گیا اور متبادل راستوں کے حوالے سے بتایا گیا۔
