• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی: سرجانی میں ڈمپر کی ٹکر سے طالبعلم جاں بحق، 2 بھائی زخمی

افضل ندیم ڈوگر
تازہ ترین
قومی خبریں
18 نومبر ، 2022
تین بھائیوں کو کچلنے والا ڈمپر جس کا ڈرائیور فرار ہو گیا
تین بھائیوں کو کچلنے والا ڈمپر جس کا ڈرائیور فرار ہو گیا

کراچی کے علاقے سرجانی ٹاؤن میں تیز رفتار ڈمپر کی ٹکر سے ایک طالب علم جاں بحق جب کہ متوفی کے 2 بھائی شدید زخمی ہو گئے۔

پولیس ذرائع کے مطابق حادثہ سرجانی ٹاؤن میں بابا موڑ کے قریب پیش آیا۔

طالب علم کی لاش اور زخمیوں کو عباسی شہید اسپتال پہنچایا گیا۔

جاں بحق ہونے والے طالبعلم کی لاش عباسی شہید اسپتال میں رکھی ہے، متوفی کے زخمی بھائیوں کو طبی امداد دی جا رہی ہے
جاں بحق ہونے والے طالبعلم کی لاش عباسی شہید اسپتال میں رکھی ہے، متوفی کے زخمی بھائیوں کو طبی امداد دی جا رہی ہے

پولیس کے مطابق تینوں بھائی گھر سے موٹر سائیکل پر اسکول جا رہے تھے کہ تیز رفتار ڈمپر نے انہیں کچل دیا، جس سے تینوں طالب علم شدید زخمی ہوئے۔

تینوں زخمی طالب علموں کو فوری طور پر عباسی شہید اسپتال پہنچایا گیا جہاں پہنچنے پر ڈاکٹروں نے ایک کی موت کی تصدیق کر دی جبکہ 2 کو اسپتال میں طبی امداد دی جا رہی ہے۔

حادثے کا شکار موٹر سائیکل سڑک پر گری ہوئی، بستے اور کاپیاں بکھری ہوئی ہیں
حادثے کا شکار موٹر سائیکل سڑک پر گری ہوئی، بستے اور کاپیاں بکھری ہوئی ہیں

زخمی بھائیوں کے نام اظہر اصغر اور عثمان اصغر بتائے گئے ہیں جبکہ بڑا بھائی عمر اصغر جاں بحق ہوا ہے۔

پولیس کے مطابق حادثے کا ذمے دار ڈرائیور فرار ہو گیا ہے جبکہ ڈمپر کو پولیس نے قبضے میں لے لیا ہے۔

قومی خبریں سے مزید