کراچی: شارعِ فیصل سے 2 اسٹریٹ کرمنلز گرفتار

20 نومبر ، 2022

کراچی کی شارع فیصل سے گرفتار کیے گئے ملزمان کے چہرے کپڑوں سے ڈھکے ہوئے ہیں

کراچی میں ٹیپو سلطان پولیس نے پی ای سی ایچ سوسائٹی میں شارعِ فیصل پر کارروائی کرتے ہوئے اسٹریٹ کرائم کی متعدد وارداتوں میں ملوث 2 ملزمان کو گرفتار کر لیا، جن کے قبضے کے اسلحہ بھی برآمد ہوا ہے۔

ایس ایچ او ٹیپو سلطان لیڈی انسپکٹر عظمیٰ خان کے مطابق ملزمان کامران اور عبدالوحید اس سے قبل سولجر بازار، شارعِ فیصل، پریڈی اور جمشید کوارٹرز میں بھی وارداتیں کر چکے ہیں۔

انہوں نے بتایا ہے کہ یہ ملزمان ڈکیتی، منشیات اور غیر قانونی اسلحے کی برآمدگی کے مقدمات میں پہلے بھی گرفتار ہو چکے اور کئی بار جیل جا چکے ہیں۔

ایس ایچ او عظمیٰ خان کے مطابق ملزمان سے برآمد کیا گیا اسلحہ فارنزک کے لیے لیبارٹری بھیجا جا رہا ہے۔

ان کا یہ بھی کہنا ہے کہ ملزمان عادی جرائم پیشہ ملزم ہیں جو اسٹریٹ کرائم کی متعدد وارداتوں میں ملوث ہیں، ملزمان کو مزید تفتیش کے لیے مقدمات کے اندراج کے بعد شعبۂ تفتیش کے حوالے کر دیا گیا ہے۔

قومی خبریں سے مزید